Германия федерал банки (Bundesbank) президенти Аксель Вебер Sueddeutsche Zeitung газетасига берган интервьюсида мамлакатда иқтисодий вазият бироз яхшиланган бўлсада, жаҳон молиявий-иқтисодий инқирозининг якунлангани ҳақида гапиришга ҳали эрталигини айтиб ўтган.

Унинг фикрига кўра, «банклар учун тузилмавий молиявий маҳсулотларнинг уларни балансига кўрсатган таъсири, яъни, муаммоларнинг дастлабки тўлқини ортда қолди», навбатдаги муаммо «ички кредит фаолиятида юзага келади». Вебер «умумий кредит йўналишида тақчиллик йўқлигидан мамнунлигини» билдириб, «кредит соҳасида яхши мавқега эга бўлган компанияларга кредит беришда давом этиш зарурлигини» таъкидлаган.